back

कविता: मान्छे

वि.सं.२०८१ माघ ५ शनिवार

456 

shares
GLOBAL IME AD
NTC AD

के.पी.पौडेल (जस्ताघरे), बट्टार, नुवाकोट

जिल्ला केन्द्र प्रदेश गाउँ धुर खा, थुम्का कुटी धाम खा।
टारी खेत गरा गढी बगल खा, सारा बगैँचा तँ खा।।
बेँसी लेक कुना पहाड थल खा, पाखा तराई ल खा।
खा खा खा सब खा लुटेर अझ खा, चोचो मिलाएर खा।।–१

सारा दुर्गम भूमि खा नगर खा, पाटी र पौवा तँ खा।
चौतारा मठ पोखरी बगर खा, खोला नदी ताल खा।।
अड्डा जेल सभा अदालत सबै,नाका र भन्सार खा।
खा खा खा सब खा मिलेर अझ खा, चोसो मिलाएर खा।।–२

शिक्षा क्षेत्र र अस्पताल पनि खा, ठेक्का र हिस्सा तँ खा।
जिल्लादेखि विभागका सदनका, सारा निकासा तँ खा।।
टुप्पोदेखि पुछारसम्म सब खा, हाँगा जरा पात खा।
खा खा खा अब खा दुखी श्रमिक खा, मेसो मिलाएर खा।।–३

आफ्ना मानिस उच्च मान पदमा, राखेर टन्नै ल खा।
आँखा चिम्म गरेर खा नकचरो, ए हन्तकाली तँ खा।।
चर्का काण्ड रचेर यो मुलुक खा, भन्डार सारा ल खा।
खा खा खा सुन काण्ड राज्य धन खा, बार्ता मिलाएर खा।।–४

सारा कोष विकास ऋण पनि खा, आयोजना खर्च खा।
आएका अनुदानका रकम खा, सत्ता र भत्ता तँ खा।।
निर्धाका पसिना समग्र श्रम खा, सेवा र पट्टा ल खा।
खा खा खा सब खा लुटेर अझ खा, ए बाह्रमासे तँ खा।।–५

दिन्छन् भोट चुनावमा सुजनले, मन्त्री पजेरो तँ खा।
जग्गा काण्ड दलाल मञ्चन गरी, उम्दा घडेरी तँ खा।।
जाली दुस्मन भ्रष्टबाट घुस खा, मौका मिलाएर खा।
खा खा खा अब यो पवित्र जग खा, यो देश नेपाल खा।।–६

समस्याः खा खा खा सब खा

छन्द – शार्दूलविक्रीडित
गण – म स ज स त त गु

सङ्केत – SSS  IIS  ISI  IIS  SSI  SSI  S

वि.सं.२०८१ माघ ५ शनिवार ०५:१७ मा प्रकाशित

राप्ती साहित्य परिषद्को ७३ औँ छन्दसङ्गम कार्यक्रम सम्पन्न

राप्ती साहित्य परिषद्को ७३ औँ छन्दसङ्गम कार्यक्रम सम्पन्न

दाङ । राप्ती साहित्य परिषद् दाङ शाखाले नियमित कार्यक्रमअन्तर्गत ७३औँ...

गजल

गजल

डा. देवी पन्थी, विराटनगर हामी जहाँ भए पनि संसार छैन...

गजल

गजल

अरुण खड्का, किर्तिपुर, काठमाडौं छछल्केर प्यासी नयनभित्र तिम्रो डुबेको छु...

कविता : वृद्ध -गाथा

कविता : वृद्ध -गाथा

राम शरण न्यौपाने,भक्तपुर झुल्केघामसँगै हिमाल चुचुरा हाँस्छन् जसै सुन्दर ऊर्जा...

कविता : नारी जागौँ

कविता : नारी जागौँ

कल्पना अधिकारी,टोखा काठमाडौं नारी बने शिक्षित सभ्य पात्र । बन्दैन...

गजल

गजल

उत्तम विचार,नुवाकोट छ रात हाजिर भएर कालो तिमीबिना हुन्न है...