हामी सबैकाे संसारन्यूज

स्याङ्जा । स्याङ्जाको पुतलीबजार नगरपालिकामा शंकास्पद वस्तु फेला परेको छ । जिल्लाा प्रहरी कार्यालय स्याङ्जाका अनुसार पुतलीबजार नगरपलिका १४ लामागे स्थित ७१ बर्षिया बिष्णु प्रसाद पौडेलको खेतमा शंकास्पद बस्तु फेला परेको हो ।

जे.सि.विले खेत सम्याउने क्रममा खेतको सतहबाट अन्दाजी १ हात तल तार जडित फलामको बोत्तल जस्तो देखिने बस्तु फेला परेको प्रहरीले जनाएको छ ।

शंकास्पद वस्तु फेला परेको सूचना प्राप्त हुने वित्तिकै जिल्ला प्रहरी कार्यालय स्याङ्जाबाट प्रहरी अधिकृत सहितको टोली र श्री सिंह सारदुल गुल्म आँधिखोला ब्यारेक स्याङ्जाबाट नेपाली सेनाको टोली खटिई गएको थियो ।

जिल्ला प्रहरी कार्यालय स्याङ्जाका निमित्त कार्यालय प्रमुख प्रहरी नायव उपरीक्षक हरी प्रसाद पौडेलका अनुसार उक्त वस्तु टुईचमोटरको गोली जस्तो देखिन्छ । शंकास्पद वस्तु बारे थप अनुसन्धान गर्न पोखरा पृतनाबाट बम डिस्पोज टोली (नेपाली सेना) स्याङ्जा आउँदै गरेको प्रहरीले जनाएको छ ।