स्याङ्जा । स्याङ्जाको गल्याङ नगरपालिका-५, मा हुने तामेकोट समिट २०८१को मिति घोषणा गरेको छ । ऐतिहासिक निर्माणधिन तामेकोटको बागी मञ्चमा बसेको भेलाले यही फागुन १३ गतेदेखि १७ गतेसम्म तामेकोट समिट २०८१ गर्ने निर्णय गरेको हो ।
विभिन्न राजनीतिज्ञ, अर्थविद्, बुद्धिजीवी, प्राध्यापक, साहित्यकार, चलचित्रकर्मी तथा रङ्गकर्मीहरूको उपस्थितिमा महोत्सव हुने हात्तीस्तान फाउन्डेसनका अध्यक्ष डा.शिवशङ्कर बस्यालले जानकारी दिए ।
हात्तीस्तान फाउन्डेसनका अध्यक्ष डा. शिवशङ्कर बस्यालको अध्यक्षतामा १५ सदस्य महोत्सव आयोजक समिति गठन भएको छ ।
आयोजक समितिमा वडाध्यक्षहरू घनश्याम भट्टराई, दीप छिरिङ गुरुङ, ढाकाराम न्यौपाने, झबिलाल पाण्डे, दलबहादुर सिंजाली, अशोक थापा, समाजसेवी थानेश्वर न्यौपाने लगायत रहेका छन् ।
समितिल नगर प्रमुख गुरुप्रसाद भट्टराई र उपप्रमुख हेमा न्यौपानेलाई महोत्सवको संरक्षकका रूपमा मनोनयन गरेको छ । गल्याङ नगरपालिका–५, का वडा अध्यक्ष घनश्याम भट्टराईको सभापतित्वमा भएको भेलामा गल्याङ नगरपालिकाका उप–उपप्रमुख हेमा न्यौपानेको प्रमुख आतिथ्यता थियो ।
भोलामा कार्यक्रमको सञ्चालन हात्तीस्तान फाउन्डेसनका अध्यक्ष डा. शिवशङ्कर बस्यालले गरेका थिए । तामेकोट ऐतिहासिक भुरेटाकुरे राजाको राजदरबार, प्रसिद्ध रानिफाल भएको स्थानका रूपमा परिचित छ ।
वि.सं.२०८१ माघ १३ आइतवार ११:५३ मा प्रकाशित
