प्रेस सेन्टर नेपाल प्रतिष्ठान प्रदेश समितिको अध्यक्षमा लक्ष्मण दर्नाल सर्बसम्मतले चयन भएका छन् । काठमाडौँ स्थित अनामनगरमा भएको प्रतिष्ठानको चौथो अधिवेशनले लक्ष्मण दर्नालको नेतृत्वमा २१ सदस्यीय नयाँ कार्यसमिति चयन गरेको हो ।
समितिको खुल्ला उपाध्यक्षमा विजय फुयाँल, महिला उपाध्यक्षमा पार्वती खड्का, समावेशी उपाध्यक्षमा विवेक लोप्चन, महासचिवमा विमल खड्का, खुल्ला सचिवमा इस्वर विक, मधेश सचिवमा रमिता यादव, महिला सचिवमा समुन्द्रा घिमिरे, दलित सचिवमा हरि जिज्ञासु, समावेशी सचिवमा प्रेमकुमार श्रेष्ठ, कोषाध्यक्षमा हरि रिमाल र बाँकी सदस्यमा चयन भएका छन् ।
प्रतिष्ठानको उद्घाटन सत्रमा नेकपा माओवादी केन्द्रका उपाध्यक्ष एवम् प्रवक्ता अग्निप्रसाद सापकोटाले एमाले अध्यक्ष केपी शर्मा ओली नेतृत्वको सरकार भोलिदेखि विपक्षीहरूको घेराबन्दीमा पर्ने दाबी गरेका छन् ।
उनले आज प्रेस सेन्टर नेपाल प्रतिष्ठान प्रदेश समितिको चौथो अधिवेशनलाई सम्बोधन गर्दै उक्त दाबी गरेका हुन् । उनले भने, ‘सरकारले अहिले अध्यादेश ल्याएको छ। त्यसमा भूमिसम्बन्धी अध्यादेश बदनियत ढंगले आफ्ना कार्यकर्तालाई जग्गा बाँड्नका लागि त्यो विधेयक ल्याइएको छ। सरकार अहिले आतंकित छ। अब भोलिदेखि विपक्षीहरूले घेराबन्दीमा पर्दैछ।’ब्म्द्यी ब्म्ऋष्तष्शभल ीषभ ब्म्
वि.सं.२०८१ माघ १७ बिहीवार १७:२१ मा प्रकाशित
