Sansar News
गजलिका, अमेरिका
बसूँ भन्छ यो मन नयनभित्र तिम्रो
इरादा छ कस्तो त्यो मनभित्र तिम्रो
कतै बोल्न खोजे तिमी रोक्न खोज्छौ
लुकेको छ माया खटनभित्र तिम्रो
बगैँचा गरेको छ भमराले कब्जा
फुलोस् फूल बेली जतनभित्र तिम्रो
बसी आडमा खुब मिठा बात गर्छौ
कथा प्रेमका छन् कथनभित्र तिम्रो
नजर चुस्स जुध्छन् नसा चढ्छ तनमा
छ के वस्तु त्यस्तो वदनभित्र तिम्रो
गरी लोभ धनको रहर शून्य पार्छौ
सँगै हुन्न गोजी कफनभित्र तिम्रो
बहर – मुतकारिब मुसम्मन सालिम
अर्कान फऊलुन् फऊलुन् फऊलुन् फऊलुन्
वजन – १२२ – १२२ – १२२ – १२२
अभ्यास – परिश्रमी पाठशाला
वि.सं.२०८१ माघ १९ शनिवार ०५:०१ मा प्रकाशित
