Sansar News
काठमाडौं । स्थानीय बजारमा आज सुनको मूल्य घटेको छ । आज शुक्रवार सुनको मूल्य प्रतितोलाको एक लाख ७० हजार रुपैयाँ कायम भएको छ ।
बिहीबार प्रतितोला एक लाख ७१ हजार रुपैयाँमा खरिदबिक्री भएको सुन आज एक हजार रुपैयाँले घटेको नेपाल सुनचाँदी व्यवसायी महासङ्घले जनाएको छ ।
त्यसैगरी, चाँदीको मूल्य पाँच रुपैयाँले घटेको छ । आज चाँदी प्रतितोला एक हजार नौ सय ९० रुपैयाँमा किनबेच भइरहेको महासङ्घले जनाएको छ ।
आज अन्तरराष्ट्रिय बजारमा प्रतिऔंस सुन दुई हजार नौ सय २८ अमेरिकी डलरमा कारोबार भइरहेको छ ।
वि.सं.२०८१ फागुन ९ शुक्रवार ११:२१ मा प्रकाशित
