हामी सबैकाे संसारन्यूज

काठमाडौं । प्रधानमन्त्री केपी शर्मा ओलीले गैरआवासीय नेपाली (एनआरएन)का लागि आर्थिक सामाजिक अधिकारसहितको नागरिकतामा आफू प्रतिबद्ध रहेको बताएका छन् ।

एनआरएनएका अध्यक्ष बद्री केसीको टोलीसँगको भेटमा प्रधानमन्त्री ओलीले त्यस्तो नागरिकता जारी गर्ने गर्ने प्रतिवद्धता जनाएका हुस् ।
एनआरएनए अध्यक्ष बद्री कसीका अनुसार प्रधानमन्त्री ओलीले भुपू गोर्खाजको समस्या समाधानका लागि समेत पहल भइरहेको बताए ।

उनका अनुसार प्रधानमन्त्री ओलीले भने, ‘संविधानप्रदत्त आर्थिक, सामाजिक र सांस्कृतिक अधिकार उपभोगका लागि यही हिउँदे अधिवेशनमै गैरआवासीय नेपाली ऐन संशोधन गर्ने सरकारको प्रतिबद्धता छ ।’

भुपू गोर्खाजको समान पेन्सन तथा अन्य सुविधाका लागी ब्रिटिश सरकारसँग उच्चस्तरीय वार्ता मात्र नभई नयाँ सन्धि नै गर्न नेपाल सरकार तत्पर रहेको प्रधानमन्त्रीको भनाइ उदृत गर्दै अध्यक्ष केसीले बताए । उनले गैरआवासीय नेपालीको बंशजको नागरिकता कÞायम राख्न नेपाल सरकार सकारात्मक रहेको बताए ।

गैरआवासीय नेपालीको लगानीलाई भित्र्याउन संस्थागत पहलका लागि एनआरएनए अध्यक्षलाई उद्योग वाणिज्य संवाद परिषदको पदेन सदस्य हुने व्यवस्था गरिएको र लगानी बोर्डमा समेत संघको प्रतिनिधित्व गराउनेमा सरकार प्रतिबद्ध रहेको प्रधानमन्त्री ओलीको भनाइ थियो ।