Sansar News
काठमाडौँ । काभ्रेको धुलिखेलमा बस दुर्घटना हुँदा १७ जना घाइते भएका छन् । काठमाडौंबाट ओखलढुङ्गाका लागि हिँडेको अरनिको यातायातको प्रदेश ३००१–००५ख ९९४२ नम्बरको बस आज बिहान धुलिखेल नगरपालिका– १० सारादा बतासेमा दुर्घटना भएको हो ।
२४ जना यात्रु सवार बस सडकको नालीमा पल्टिएर दुर्घटना हुँदा चालक र सह–चालकसहित १७ जना घाइते भएको प्रहरीले जनाएको छ ।
घाइतेहरुको धुलिखेल अस्पतालमा उपचार भइरहेको अस्थायी ट्राफिक प्रहरी पोष्ट काभ्रेभञ्ज्याङका सहायक हवलदार रुद्र लामिछानेले जानकारी दिए ।
वि.सं.२०८१ फागुन १३ मंगलवार ११:०३ मा प्रकाशित
