Sansar News
स्याङ्जा । पूर्वराजा ज्ञानेन्द्र शाह अहिले स्याङ्जाको भ्रमणमा छन् । उनी कालीगण्डकी गाउँपालिका–३ मा रहेको शाह वंशीय कुल मन्दिर आलमदेवीमा पूजा गर्नका लागि आफ्नी बहिनी र छोरीका साथ स्याङ्जा पुगेका हुन् ।
सिद्धार्थ राजमार्गमा पर्ने बजार क्षेत्र फेदीखोला, पुतलीबजार, बयरघारी, वालिङ, गल्याङ लगायतका स्थानमा आम नागरिकहरूले उनलाई फूल माला, खादा लगाइदिएर स्वस्फूर्त रूपमा स्वागत तथा अभिनन्दन गरेका छन् ।
वालिङ, गल्याङ लगायतका बजारमा ‘राजा आऊ देश बचाउ’ भन्ने नारा समेत लगाइएको थियो । एक प्रत्यक्षदर्शीका अनुसार पूर्वराजलाई हेर्न सहभागी मध्ये अत्यन्त सानो सङ्ख्याले मात्र ‘राजा आऊ देश बचाउ’को नारा लगाएका थिए ।
ती प्रत्यक्षदर्शीले नारा लगाउने अधिकांश राष्ट्रिय प्रजातन्त्र पार्टी निकटहरू मात्रै रहेको हुन सक्ने बताए । सामाजिक सञ्जालमा राखिएको भिडियोहरूमा समेत उपस्थित सबैले राजाको पक्षमा नारा लगाएको देखिँदैन ।
वि.सं.२०८१ फागुन १३ मंगलवार १४:०६ मा प्रकाशित
