हामी सबैकाे संसारन्यूज

काठमाडौं । एनआइसी एसिया बैंक लिमिटेडको स्वामित्वमा रहेको यी पाँच ओटा कम्पनीको वटा कम्पनीको १४ लाख ४६ हजार ९०२ कित्ता सेयर लिलामी भर्ने आज अन्तिम दिन रहेको छ ।

नागरिक लगानी कोष
एनआइसीले चैत ३ गतेदेखि आफ्नो स्वामित्वमा रहेको सीआईटीको ५० हजार कित्ता लिलामीमा निकालेको थियो । सीआईटीको ६९६ रुपैयाँ पर्ने छ भने जस्मा बोलपत्र पेस गर्दा न्यूनतम १० हजार कित्तादेखि अधिकतममा सम्पूर्ण कित्ताका लागि खरिद आवेदन दिन सकिनेछ ।

सूर्योदय वोमी लघुवित्त
एनआइसीले चैत ३ गतेदेखि आफ्नो स्वामित्वमा रहेको सूर्योदय वोमी लघुवित्त ५९ हजार ६० कित्ता लिलामीको लागि निकालेको थियो । सूर्योदय वोमी लघुवित्तको न्यूनतम मूल्य २६९ रुपैयाँे रहेको छ । लघुवित्तको न्यूनतम ५ हजार कित्तादेखि अधिकतममा सम्पूर्ण कित्ताका लागि खरिद आवेदन दिन सकिनेछ ।

सूर्यज्योति लाइफ
एनआइसीले चैत ३ गतेदेखि आफ्नो स्वामित्वमा रहेको सूर्यज्योति लाइफ इन्स्योरेन्स कम्पनी लिमिटेडको ५० हजार कित्ता लिलामीको लागि निकालेको छ । सूर्यज्योति लाइफको मूसल्य १५९ रुपैयाँ रहेको छ भने यूनतम ५ हजार कित्तादेखि अधिकतममा सम्पूर्ण कित्ताका लागि खरिद आवेदन दिन सकिनेछ ।

निफ्रा
एनआइसीले चैत ३ गतेदेखि आफ्नो स्वामित्वमा रहेको निफ्राको सेयर आज लिलामी निकालेको छ भने निफ्राले १० लाख कित्ता लिलामीमा निकालेको छ । कम्पनीले १०५
रुपैयाँमा निकालेको हो । लगानी कर्ताले यूनतम ५ हजार कित्तादेखि अधिकतममा सम्पूर्ण कित्ताका लागि खरिद आवेदन दिन सकिनेछ ।

जीवन विकास लघुवित्त
एनआइसीले चैत ३ गतेदेखि आफ्नो स्वामित्वमा रहेको जीवन विकास लघुवित्त २ लाख ८७ हजार ८४२ लिलामीमा निकालेको हो । लघुवित्तले प्रतिकित्ता ५४० रुपैयाँ न्यूनतम मूल्य निर्धारण गरिएको छ । लगानीकर्ताले बोलपत्र पेस गर्दा भने न्यूनतम ५ हजार कित्तादेखि अधिकतममा सम्पूर्ण कित्ताका लागि खरिद आवेदन दिन सकिनेछ ।

बोलपत्र पेस गर्दा लगानीकर्ताले आफूले लिन चाहेको सेयर संख्या, प्रतिकित्ता दररेट अंक र अक्षरमा स्पष्टसँग लेख्नुपर्छ ।

सेयर बिक्री प्रबन्धकमा एनआइसी एसिया क्यापिटल लिमिटेड रहेको छ । बोलपत्र आवेदन काठमाडौंको थापाथली ट्रेड टावरस्थित एनआइसी एसिया क्यापिटलको कार्यालय वा थापाथलीस्थित एनआइसी एसिया बैंकको कर्पोरेट कार्यालयसँगै विराटनगर, वीरगन्ज, पोखरा, बुटवल, धनगढी र सुर्खेत शाखा कार्यालयमा बुझाउन सकिनेछ ।