हामी सबैकाे संसारन्यूज

स्याङ्जा । जिल्लाको वालिङ् नगरपालिका–६, माझकोटमा विङ्गर भ्यान दुर्घटना भएको छ । दुर्घटनामा परी एक महिलाको घटनास्थलमै मृत्यु भएको छ । चालक भने घाइते भएका छन् ।

जिल्ला प्रहरी कार्यालय स्याङ्जाका प्रहरी निरीक्षक प्रवेश तिवारीका अनुसार वालिङ् नगरपालिका–७ हिलापानी बस्ने ४८ वर्षीया दिलसरा आलेको घटननास्थलमै मृत्यु भएको हो ।

दुर्घटना पश्चात् फरार चालक २८ वर्षीय सुरज थापा घाइते अवस्थामा फेला परेकोमा प्राथमिक स्वास्थ्य केन्द्र वालिङ्मा सामान्य उपचारपछि थप उपचारका लागि पोखरा रिफर गरिएको तिवारीले जनाए ।

आइतबार सबेरै करिब ३ बजे वालिङ्–चापाकोट भित्री सडकखण्डमा ग १ ज ७५११ नम्बरको भ्यान सडकबाट करिब १५० मिटर तल खसेको थियो । दुर्घटनाको कारण भने खुलेको छैन ।