हामी सबैकाे संसारन्यूज

काठमाडौं । नेपाल बिमा प्राधिकरणले हूलदङ्गाका कारण भएका क्षतिको बिमा दाबी शिघ्र फर्छ्यौट गर्न निर्देशन छ ।

प्राधिकरणले यही चैत १५ गते काठमाडौं उपत्यकाका विभिन्न स्थानमा भएका हूलदङ्गाका कारण बीमितको धनसम्पत्तिमा भएको क्षतिबाट पर्नसक्ने बीमा दाबीलाई सहज रूपमा यथाशक्य छिटो फर्छ्यौट गर्न निर्देशन दिएको हो ।

प्राधिकरणले आइतवार सबै निर्जीवन बिमा कम्पनी र निर्जीवन लघु बिमा कम्पनीलाई निर्देशन दिएको जनाएको छ । हूलदङ्गाका कारण भएका क्षतिको विवरण ‘एक्सेल स्प्रिडसिट’ ढाँचामा प्राधिकरणले दिएको ‘गुगल फर्म’को लिङ्कमार्फत साप्ताहिक रूपमा हरेक हप्ताको बुधवार प्राधिकरणमा पेस गर्न निर्जीवन बिमा कम्पनी र निर्जीवन लघु बिमा कम्पनीलाई निर्देशन दिइएको छ ।