Sansar News
काठमाडौं । अन्तर कलेज खाना प्रतियोगिता २०२५ आयोजना हुने भएको छ । आगामी ०८२ वैशाख ४ गते एकेडेमी अफ कुलिनरी आर्टस लगनखेलमा “इन्टर कलेज फुड कम्पिटिसन २०२५ तथा नेपाली खानाको प्रदर्शनी” हुने भएको हो । प्रतियोगीता इन्टरनेशनल नेप्लिज सेफ सोसाइटी एवं नेपाली सेफ सोसाइटीको आयोजनामा हुन लागेको हो ।
काठमाडौंको भृकुटी मण्डपमा नेपाली सेफ सोसाइटी र इन्टरनेशनल नेपाली सेफ सोसाइटीको प्रथम केन्द्रीय अधिवेशन हुने मंगलवार पत्रकार सम्मेलन गर्दै आयोजकले जानकारी दिए । प्रतियोगितासँगै इन्टरनेशनल नेपाली सेफ फुड अवार्ड र सोसिएल अवार्ड, नेपाली खानाको प्रदर्शनी, फुड फेस्टिबल र सांस्कृतिक कार्यक्रम रहेको आयोजकले जनाएको छ ।
नेप्लिज सेफ सोसाइटीका अध्यक्ष सेफ एल बी कौशलले नेपाली सेफहरूको व्यक्तित्व विकास तथा नेपाली खानाको स्तर उन्नतिका लागी हाम्रो अभियान भन्ने उदेश्यको साथ प्रतियोगिताको आयोजना गरिएको जानकारी दिए । यस कार्यक्रममा ३६ देशमा कार्यरत नेपाली सेफहरू सहभागी हुने आयोजकले जनाएको छ ।
वि.सं.२०८१ चैत २० बुधवार १०:५६ मा प्रकाशित
