हामी सबैकाे संसारन्यूज

काठमाडौँ । काठमाडौँको तीनकुनेमा दुई जनाको ज्यान जाने गरी हिंसात्मक गतिविधि गरेर फरार भएका दुर्गा प्रसाईंलाई ल्याइएको छ ।
भारतको आसाम राज्यमा बिहीबार पक्राउ परेका उनलाई काँकडभिट्टा नाकाबाट आज (शुक्रबार) नेपाल ल्याएइएको हो ।

विशेष स्रोतका अनुसार उनलाई भद्रपुर विमानस्थलबाट बिहान १०ः४५ बजेको फ्लाइटमा काठमाडौँ ल्याउने तयारी गरिएको छ । राजसंस्था पुनःस्थापनाका लागि भन्दै नवराज सुवेदीको संयोजकत्वमा गठित संयुक्त जनआन्दोलन समितिले यही चैत १५ गते काठमाडौँको तीनकुनेमा हिंसात्मक प्रदर्शन गर्दा रिपोर्टिङ गरिरहेका पत्रकारसहित २ युवक मारिएका थिए भने तोडफोड, आगजनी र लुटपाटबाट करोडौँ मूल्यको क्षति भएको थियो ।