Sansar News
काठमाडौँ । काठमाडौँमा जारी आइसिसी यु–१९ विश्वकप एसिया छनोटअन्तर्गत दोस्रो खेलमा नेपालले आज ओमानविरुद्ध खेलिरहेको छ । काठमाडौँको माथिल्लो मुलपानी क्रिकेट मैदानमा नेपालले टस जितेर पहिले बलिङ गर्दैछ ।
नेपालले पहिलो खेलमा आइतबार युएईमाथि डिएल पद्धतिअनुसार ५ रनको जित निकाल्दै विजयी सुरुआत गरिसकेको छ । ओमानले भने हिजो नै भएको खेलमा अफगानिस्तानसँग ८ विकेटको फराकिलो हार बेहोरेको थियो ।
आजै तल्लो मुलपानी मैदानमा अफगानिस्तानले हङकङसँग खेल्ने छ । नेपाल, अफगानिस्तान, युएई, ओमान र हङकङ सहभागी यस छनोटबाट शीर्ष हुने टोली आगामी वर्षको यु–१९ विश्वकपमा छनोट हुने छन् ।
वि.सं.२०८२ वैशाख १ सोमवार १०:३९ मा प्रकाशित
