Sansar News
काठमाडौँ । त्रिभुवन अन्तर्राष्ट्रिय विमानस्थलमा नेपाल फर्किएका एक व्यक्तिलाई लछारपछार गरी दुव्र्यवहार गर्ने तीन जना प्रहरीको सरूवा भएको छ ।
विमानस्थलमा कार्यरत तीन जना प्रहरीलाई त्यहाँको जिम्मेवारीबाट हटाएर काठमाडौं उपत्यका प्रहरी कार्यालयमा झिकाएको एसएसपी शेखर खनालले बताए । उनले तीन जनाको जिम्मेवारी खोसेर आवश्यक छानिन तथा अनुसन्धान भइरहेको जनाए ।
युएईबाट फर्किएका मोरङका सञ्जय ओझामाथि विमानस्थलमा प्रहरीले दुव्र्यवहार गरेको भिडिओ सामाजिक सञ्जालमा बाहिरिएको थियो । उक्त भिडिओ भाइरल भएपछि कार्यालयले छानबिन प्रक्रिया अघि बढाएको हो ।
वि.सं.२०८२ वैशाख ३ बुधवार १६:१२ मा प्रकाशित
