हामी सबैकाे संसारन्यूज

काठमाडौँ । हजारौँ ईसेवा प्रयोगकर्ताको खाताबाट एक करोड रुपैयाँभन्दा बढी रकम चोरी गरेको आरोपमा एक युवा पक्राउ परेका छन् । कञ्चनपुर घर भई हाल काठमाडौँ अनामनगर बस्ने २२ वर्षीय राहुल बुढालाई प्रहरीले पक्राउ गरेको हो ।

बुढाले ईसेवा प्रयोगकर्तालाई एस.एम.एसमार्फत द अर्लट, एटी अलर्टजस्ता फिसिङ लिङ्क पठाएर ‘तपाईँको खाता सस्पेन्ड’ हुन लागेको भन्दै चेतावनी पठाउने र भेरिफाइका लागि भन्दै लिङ्क खोल्न लगाएर ईसेवा अनधिकृत पहुँच पु¥याउने गरेको काठमाडौँ उपत्यका अपराध अनुसन्धान कार्यालयले जनाएको छ ।

प्रहरी उपरीक्षक अंगुर जिसी अनुसार बुढाले चार हजारभन्दा बढी व्यक्तिहरूको ईसेवामा मौज्दात रहेको रकम चोरी गर्न सफल भएका थिए । उनले एक करोड दुई लाख रुपैयाँ बराबरको रकम चोरी गरेको खुल्न आएको छ ।

उनलाई वैशाख मङ्गलवार काठमाडौँको कालीमाटीबाट प्रहरीले पक्राउ गरी थप अनुसन्धान र कारबाहीका लागि जिल्ला प्रहरी परिसर भद्रकाली पठाइएको छ ।