हामी सबैकाे संसारन्यूज

पोर्चुगल । नेपलीज कम्युनिटी पारदिल्हो पोर्चुगलले विभिन्न कार्यक्रमहरुको आयोजना गरी नयाँवर्ष २०८२ लाई स्वागत गरेको छ ।

अप्रिल १९ का दिन नेपाली नववर्ष विक्रम सम्बत २०८२ को शुभकामना आदान प्रदान कार्यक्रम सम्पन्न भएको हो ।

कार्यक्रम, संस्थाका अध्यक्ष धनबहादुर गुरुङको अध्यक्षतामा सम्पन्न भएको थियो भने प्रमुख सिता थापामगरको आथिथ्यता रहेको थियो ।

संस्थाका प्रवक्ता हरि ढुंगानाले कार्यक्रमलाई निकै रोचक ढङ्गले सञ्चालन गरेका थिए भने संस्थाकी सदस्य अर्फा राईले स्वागत मन्तव्य राखेकी थिइँन ।

कार्यक्रममा अध्यक्ष गुरुङले संस्थालाई साथ सहयोग गर्दै आएका सम्पूर्णमा आभार व्यक्त गर्दै आगामी दिनहरुमा झनै सशक्त ढंगले अघि बढ्न अभिप्रेरित गराएको महसुस गरेको बताए । उनले संस्थाका हरेक गतिविधिलाई नजिकबाट नियालेर कमीकमजोरी औल्याइ साथ सहयोग र सहकार्य गर्न समेत अनुरोध गरे ।

त्यसैगरी प्रमुख अतिथि  थापामगर, अतिथि भिम प्रसाद पोख्रेल, प्रशान्त गुरुङ, भीमसेन थापा, सूर्य गुरुङ, चक्रबिर गुरुङ लगायतले बोल्ने क्रममा संस्थाको आवश्यक, भुमिका, महत्व र संस्थाले गरेका कामको प्रसंसा गरेका थिए ।

कार्यक्रममा स्थानीय गायक सनम विश्वकर्माले आफ्नो सुमधुर स्वरमा गायन प्रस्तुत गरेका थिए त्यसैगरी गुमन अधिकारीको मुक्तक वाचनले धैरेको मन जीत्न सफल भए ।

संस्थामा महत्वपूर्ण योगदान पु¥याएका, आजीवन सदस्य, प्रकाश खड्का, सञ्जित गुरुङ र दिल रोका मगरलाई सम्मान गरिएको थियो भने कार्यक्रममा समावेश गरिएको दुई खेलमध्ये म्युजिकल चियरकी विजेता अर्फा राई र घैटो फुटाइका विजेता रोशन घलेलाई पुरस्कृत समेत गरिएको थियो ।