Sansar News
काठमाडौँ । राष्ट्रिय स्वतन्त्र पार्टी (रास्वपा) सभापति रवि लामिछानेले सर्वोच्च अदालतमा बन्दी प्रत्यक्षीकरणको रिट दर्ता गराएका छन् ।
आफूलाई गैर कानुनी रूपमा थुनामा राखिएको भन्दै उनले आइतबार रिट दर्ता गराएका हुन् । उनलाई रिहा गर्न माग गर्दै आइतबार निवेदन दर्ता भएको र सोमबारलाई पेसी तोकिएको सर्वोच्च प्रशासनले जानकारी दिएको छ ।
लामिछाने अहिले भैरहवा कारागारमा छन् । बुटवलको सुप्रिम सहकारीबाट गोर्खा मिडियामा गएको रकम खर्च गर्ने भूमिकामा रहेको भन्दै सहकारी ठगीको मुद्दामा उनी पुर्पक्षका लागि कारागार चलान भएका हुन् ।
वि.सं.२०८२ वैशाख ७ आइतवार १६:२५ मा प्रकाशित
