स्याङ्जा । ऐतिहासिक गण्डकी शत (एक सय) कुण्डीय कोटिहोम विराट ज्ञान महायज्ञमा नेपालको पहिलो नवग्रह मन्दिर, अर्जुनचौपारी स्याङ्जाबाट नवग्रहका निशानहरू लगिने भएको छ ।
अर्जुनचौपारी गाउँपालिकाका अध्यक्ष प्रकाश तिवारीका अनुसार यही आउँदो वैशाख १६ गते
पोखराको बिरौटामा आयोजित विराट ज्ञान महायज्ञमामा नवग्रहका निशानहरू लगिने भएको हो ।
अध्यक्ष तिवारीले वैशाख १७ गतेदेखि ज्येष्ठ २५ गतेसम्म दर्शन र पूजाका लागि कोटिहोम स्थलमा १०८ फिट अग्लो रुद्राक्ष शिव लिङ्गको साथमा नवग्रहका निशानहरू रहने जानकारी गराए । उनले नवग्रह निशान यात्रामा सहभागी हुन सम्पूर्ण धर्मानुरागीहरुमा आग्रह समेत गरेका छन् ।
नवग्रह मन्दिर संस्कृति, पर्यटन तथा नागरिक उड्डयन मन्त्री बद्री प्रसाद पाण्डेले उद्घाटन गरेका थिए । मन्दिरको उद्घाटन पश्चात् यहाँ स्वदेशी तथा विदेशी भक्तजन पूजा एवं दर्शनका लागि आउने गर्दछन् ।
वि.सं.२०८२ वैशाख १४ आइतवार १८:०५ मा प्रकाशित
