Sansar News
काठमाडौँ । नागरिक उन्मुक्ति पार्टी (नाउपा)का संरक्षक रेशम चौधरी पक्राउ परेका छन् । जनमत पार्टीसँग बुधबार हुने भनिएको एकताअघि उनी पक्राउ परेका छन् ।
पार्टी एकता कार्यक्रममा सहभागी हुन काठमाडौँस्थित प्रज्ञा भवन आएका चौधरीलाई प्रहरीले पक्राउ गरेको हो । जनमत पार्टीका अध्यक्ष डाक्टर सिके रावतले रेशमलाल चौधरीलाई नेपाल प्रहरीले प्रज्ञा प्रतिष्ठानमा पार्टी एकीकरण घोषणा हुन लाग्दा कार्यक्रमस्थलबाटै पक्राउ गरिएको जानकारी दिए ।
उनले चौधरीलाई पुरानो फैसला कार्यान्वय गर्नका लागि डिल्ली बजार जेल पठाएको आफूलाई खबर प्राप्त भएको बताएका छन् ।
रावतले फेसबुकमा स्टाटस लेख्दै भनेका छन्, ‘यसको हामी घोर भत्र्सना गर्दछौँ । यस कारणले आजको एकीकरण कार्यक्रम स्थगित गरिएको छ । सम्पूर्ण नेता कार्यकर्ताहरूलाई आ–आफ्नो घर जान आग्रह गरिएको छ । बैठक बसेर अर्को सूचना हामी शीघ्र दिनेछौँ ।
वि.सं.२०८२ वैशाख १७ बुधवार १३:२१ मा प्रकाशित
