हामी सबैकाे संसारन्यूज

काठमाडौँ । नागरिक उन्मुक्ति पार्टी (नाउपा)का संरक्षक रेसम चौधरी पक्राउ परेपछि जनमत पार्टीका अध्यक्ष डाक्टर सिके रावत आक्रोशित बनेका छन् ।

चौधरी बुधवार नागरिक उन्मुक्ति पार्टी र जनमत पार्टीको प्रज्ञा प्रतिष्ठानमा पार्टी एकता हुनै लाग्दा जनमतका अध्यक्ष रावतले एक स्ट्याटस लेख्दै चौधरी पक्राउको विरोध गरेका छन् ।

उनले सामाजिक सञ्जाल फेसबुकमा एक स्ट्याटस लेख्दै रेसमलाल चौधरीलाई नेपाल प्रहरीले प्रज्ञा प्रतिष्ठानमा पार्टी एकीकरण घोषणा हुनै लाग्दा कार्यक्रम स्थलबाटै पक्राउ गरिएको जानकारी दिए ।

उनले स्ट्याटस मार्फत चौधरीलाई पुरानो फैसला कार्यान्वयन गर्नका लागि डिल्ली बजार जेल पठाएको आफूलाई खबर प्राप्त भएको भन्दै घटनाको घोर भर्त्सना गरेको जनाएका छन् ।

रावतले चौधरी पक्रा परेकाले बुधवारको पार्टी एकीकरण कार्यक्रम स्थगित गरिएको समेत जनाए । उनले आफ्ना नेता कार्यकर्ताहरूलाई आ–आफ्नो घर जान आग्रह गर्दै बैठक बसेर अर्को सूचना प्रकाशन गर्ने जनाएका छन् ।