Sansar News
काठमाडौँ । काठमाडौँको बागबजारमा एक महिलाको हत्या भएको छ । त्यहाँको एक गेस्ट हाउसमा २०८१ चैत २९ मा एक महिलाको शव फेला परेको थियो । नुवाकोट घर भईर काठमाडौँ बस्ने आएकी २८ वर्षीया विमला तामाङ मृत भेटिएकी थिइन् ।
विमलाको हत्यामा संलग्न आरोपमा प्रहरीले एक जनालाई पक्राउ गरेको छ । प्रहरीका अनुसार धादिङको गल्छी गाउँपालिका घर भएका ४० वर्षीय रामचन्द्र पन्त पक्राउ परेका हुन् ।
गेस्ट हाउमा विमलाको हत्या गरेर उनी फरार भएका थिए । मङ्गलवार भारतबाट नेपाल फर्किँदै गरेको अवस्थामा उनलाई नागढुंगाबाट पक्राउ गरिएको हो । उनीहरू विवाहेत्तर सम्बन्धमा रहेको खुल्न आएको छ ।
हत्या भएको ११ दिनपछि सडेगलेको अवस्थामा नुवाकोटको सुर्यगढी नगरपालिका घर भएर काभ्रेस्थली बस्ने विमलाको शव फेला परेको थियो । घटनाबारे प्रहरी वृत्त सिंहदरबारले अनुसन्धान गरिरहेको छ ।
वि.सं.२०८२ वैशाख ३१ बुधवार १२:१६ मा प्रकाशित
