हामी सबैकाे संसारन्यूज

काठमाडौं । नेपाल राष्ट्र बैंकको गभर्नरमा डा. विश्व पौडेले बाजी मारेका छन् । मंगलबार बसेको मन्त्रीपरिषद् बैठकले पौडेललाई गभर्नर नियुक्त गरेको हो । सिफारिस समितिले डा. विश्व पौडेलसहित निलम ढुंगाना र दिनेश भट्टराईको नाम सिफारिस गरेको थियो ।

नेपाल राष्ट्र बैंकको गभर्नर पद चैत २४ देखि नै रिक्त थियो । डेपुटी गभर्नर निलम ढुङ्गानाले कायममुकायम गभर्नरको रूपमा राष्ट्र बैंकको कामकाज सम्हालिरहेकी थिइन ।

गभर्नरको पद रिक्त हुनु एक महिनाअघि नयाँ गभर्नर नियुक्ति गरी सार्वजनिक सूचनामार्फत जानकारी गराउनुपर्ने कानूनी प्रावधान छ । तर, डेढ महिनासम्मको सत्तापक्षको रस्साकस्सीपछि राष्ट्र बैंकले नयाँ गभर्नर पाएको हो ।

को हुन् पौडेल ?

नवनियुक्त गभर्नर पौडेल यसअघि गभर्नर सिफारिस समितिमा विज्ञको तर्फबाट सदस्य बनेका थिए । उनले गभर्नर पाउने सम्भावना देखिएपछि सदस्यबाट राजीनामा दिएर गभर्नरका लागि दौडधूप शुरु गरेका थिए ।

पौडेल कांग्रेस सभापति शेरबहादुर देउवाका विश्वास पात्र मान्छिन् । पौडेल २०७८ साल साउन १२ गते राष्ट्रिय योजना आयोगको उपाध्यक्षमा नियुक्त भएका थिए । जुनबेला प्रधानमन्त्रीमा देउवा नै रहेका थिए । अहिले पौडेललाई गभर्नर बनाउँदा समेत कांग्रेस सरकारमै रहेको छ ।

नवनियुक्त पौडेलको घर चितवन हो । उनले चीनको विश्वविद्यालयबाट इन्जिनियरिङमा स्नातक तहको अध्ययन गरेका छन् । उनले अमेरिकाको युनिभर्सिटी अफ क्यालिफोर्नियाबाट अर्थशास्त्र विषयमा विद्यावारिधि गरेका छन् ।

सबैको लागि उत्प्रेरणाका स्रोत 

नेपाल राष्ट्र बैंकको गभर्नरमा नियुक्त भएका डा. विश्व पौडेल मंगलबार सिफारिस समितिको निर्णयले राष्ट्र बैंकको गभर्नर बनेका हुन् । उनलाई गभर्नर बनाउने विषयले काँग्रेस एमालेबिच खटपट ल्याएको थियो । अन्ततः काँग्रेसका सभापति शेर बहादुर देउवा र प्रधानमन्त्री समेत रहेका एमाले अध्यक्ष केपी ओलीबीचको सहमतिपछि पौडेल गभर्नरमा नियुक्ति भएका छन् ।

डा. पौडेल गभर्नरमा नियुक्तको विषयमा सकरात्मक तथा नकरात्मक टिकाटिप्पणी भइरहेका छन् । चुनाव हारेका असक्षम व्यक्तिलाई गभर्नर बनाइएको भन्दै धेरैले सरकार र उनको आलोचना गरेका छन् । यद्यपी उनी चुनावमा हरेपनि उनको गभर्नरमा भएको इन्ट्रिले आम जनमानसलाई राम्रो उत्प्रेरणाको संदेश भने अवस्य दिन्छ ।

यसअघि चितवन क्षेत्र नम्बर १ मा नेपाली काँग्रेसकोतर्फबाट उनी चुनावमा होमिएका थिए । तर, उनी रास्वपाका नेता हरि ढकालसँग पराजित हुनुप¥यो । डा.पौडेल निर्वाचनमा हारेको विषयलाई लिएर सामाजिक सञ्चालमा चर्को आलोचना भइरहेको छ ।

मानव जीवन अनेक उतार–चढावले भरिएको हुन्छ । सफलता र असफलता, सुख र दुःख, जित र हार जीवनका अङ्गहरू हुन् । हामीमध्ये धेरैजसोले हारलाई अन्त्यको रूपमा लिन्छौं, तर वास्तविकता त्यस्तो होइन । हार्नु भनेको सर्वस्व गुमाउनु होइन, बरु त्यो अर्को सफलता र अवसरकोे सुरुवात हो । डा.पौडेल निर्वाचनमा हरेपनि उनको निरन्तरको कर्म र प्रयासले उनी नेपालको महत्वपूर्ण र सम्मानित पद गभर्नरमा नियुक्त हुन पुगे ।

हरेक व्यक्तिले हार अर्थात असफलताबाट नै सिक्ने गर्दछ । एउटा बच्चा पटकपटक लडेपछि मात्र बल्ल हिड्न सिक्द छ । यद्यपि डाक्टर पौडेलले निर्वाचनमा हारको सामाना गर्नुपरे पनि उनले जीवनका अनेक चरणमा जित हाँसिल गरेका छन् । उनका आलोचकहरुले त्यसको अध्ययन गरेको देखिँदैन ।

एउटा गाउँलाई मदिरा मुक्त बनाउने विषयमा सज्जनहरुको छलफल भयो । तर, त्यहाँ मदिरा खानेहरुको बाहुल्यता थियो । मदिरा मुक्त बनाउने विषय चरम उत्कर्समा पुग्यो । अन्ततः चुनव गरेर यो विषयलाई टुङ्गाउने समहति भयो । सहजै भन्न सकिन्छ चुनाव कस्ले जित्छ । यहाँ पौडेल हारेको विषयलाई पनि यहि गाउँसँग दाँज्न सकिन्छ । भलै हरिढकाल असक्षम अर्थात खराब पात्र भने होईनन् । तर, अर्थशास्त्रको सन्दर्भमाा डाक्टर पौडेल देशमै धेरै विज्ञता हासिल गर्ने र इमान्दार पात्रका रुपमा गनिन्छन् ।

पौडेलको ज्ञान, सिप, दक्षता, योग्यता र क्षमताका अगाडी झण्डा नै बोकाएर चुनावमा नहोम्याएको भएपनि हुन्थ्यो भन्ने एकथरी पनि छन् । विज्ञताको हिसाबले उनको उच्च सम्मान गर्दै कांग्रेसले चुनावमा ‘थर्ड रनअप’ लाई नेपाली नोठकै हस्ताक्षरकर्ता (गभर्नर) बनाएकोप्रति भने उनको बारेमा नजिकबाट अध्ययन गर्नेहरुले प्रशंसा गर्ने गरेका छन् ।

अर्को एक प्रमाण पनि छ, ‘भारतलाई ब्रिटिस उपनिवेशबाट मुक्त भएपछी संसारकै सबै भन्दा लामो तत्कालिन समयमा उत्कृष्ट लोकतान्त्रिक संविधान लेख्ने डा.भिमराम अम्वेडकर पनि लोक सभाको निर्वाचनमा दुई पटक हारेका थिए । चुनाव हार्ने र जित्ने विषयले व्यक्तिको क्षमता निर्धारण गर्दैन् ।

पौडेल गभर्नरमा नियुक्तिपछि प्रतिक्रिया दिँदै भनेका छन्, ‘म नियामक निकायमा रहँदा स्वतन्त्र भएर काम गर्छु ।’ उनको नियुक्तले अर्थ क्षेत्रमा खुसीको बहार ल्याएको छ । तर, उनले नेपााली अर्थतन्त्रमा के कस्तो राम्रा काम गर्न सक्छन् । त्यो उनको कर्मले देखाउला । जसरी भारतको इतिहासमा दुई पटक चुनाव हारेर पनि उत्कृष्ट काम गरेका अम्वेडकरको चर्चा विश्वभर छ । त्यसरी नै आफू पदमा रहँदा उत्कृष्ट काम गरेर आम नेपाली जनता र भावी सन्ततीको उत्प्रेरणाको स्रोत बनिरहने वा नबन्ने डाक्टर पौडेलकै हातमा छ ।

याे पनि पढ्नुहाेस्
नेपाल राष्ट्र बैङ्कको १८ औँ गभर्नरमा विश्वनाथ पौडेल नियुक्त