Sansar News
काठमाडौं । नेपाल राष्ट्र बैंकका कार्यकारी निर्देशक चेत प्रसाद उप्रेती नेपाल क्लियरिङ हाउस (एनसीएचएल)को सञ्चालक समितिको अध्यक्षमा नियुक्त भएका छन् ।
उप्रेतीले बिहीबार सम्पन्न औपचारिक कार्यक्रममा नेपाल राष्ट्र बैंकका डेप्युटी गभर्नर बम बहादुर मिश्रसँग अध्यक्ष पद तथा गोपनीयताको शपथ ग्रहण गरेका हुन् । यसअघि क्लियरिङ हाउसको अध्यक्ष पदमा कार्यकारी निर्देशक विश्रुत थापा रहेका थिए ।
उपनिर्देशक उप्रेतीले राष्ट्र बैंकको विभिन्न विभागमा २७ वर्षभन्दा बढी समय सेवा दिएका छन् । त्रिभुवन विश्वविद्यालयबाट एमबिए डिग्री हासिल गरेका उप्रेती हाल राष्ट्र बैंकको गैर–बैंकिङ वित्तीय संस्था सुपरिवेक्षण विभागका कार्यकारी निर्देशकको रूपमा कार्यरत छन् ।
वि.सं.२०८२ जेठ ८ बिहीवार १३:३३ मा प्रकाशित
