हामी सबैकाे संसारन्यूज

काठमाडौं । नेकपा (माओवादी केन्द्र)को सहायक संगठन योङ कम्युनिस्ट लीग, नेपालको तेस्रो राष्ट्रिय सम्मेलन यहीँ आउदो जेठ १८,१९ र २० गते गर्ने तय भएको छ ।

विशेष प्राविधिक कारण एकदिन पछि सारिएको वाइसीएल नेपालको सम्मेलनलाई माओवादी केन्द्रका अध्यक्ष एवम् पुर्व प्रधानमन्त्री पुष्पकमल दाहाल प्रचण्ड लगायत शिर्ष नेताहरूले सम्बोधन गर्नेछ ।

“उद्यमशिलता, नवप्रवर्तन र स्वरोजगारका लागि आजको युवा आन्दोलन ! सुशासन, सामाजिक न्याय, समृद्धि र समाजवादको पक्षमा तेस्रो राष्ट्रिय सम्मेलन !” भन्ने मुल नारा सहित वाइसीएल नेपालले सम्मेलनको तयारी तिब्र पारेको छ ।

काठमाडौं स्थित प्रज्ञप्रतिष्ठानमा हुने उक्त सम्मेलनमा देशभरिबाट करिब १८ सयजना भन्दा बढी प्रतिनिधिहरु सहभागी हुने अनुमान गरिएको छ ।

सम्मेलनको पुर्वसन्ध्यमा ६ वटा प्रदेशमा सम्मेलन सम्पन्न भइसकेको छ भने सुदुरपश्चिम प्रदेशको बन्दसत्रबाट नेतृत्व चयन गर्न बाँकी छ । मदेश प्रदेशको सम्मेलन हुन सकेको छैन । प्रदेश पार्टीसंग समन्वय गरी प्रदेश सम्मेलनको मिति तय गर्ने तयारी छ ।

कर्णाली प्रदेशबाट लक्ष्मण ओली , गण्डकी प्रदेशबाट थमन गुरुङ, बागमती प्रदेशबाट नरेस रन्जित, कोशीबाट अयन्द्र विक्रम लिम्बू, विशेष प्रदेशबाट नविन थापा अध्यक्षमा निर्विरोध विजय भएको थियो भने लुम्बिनीमा कृष्ण सारु मगर निर्वाचन मार्फत निर्वाचित भएको हो ।