हामी सबैकाे संसारन्यूज

काठमाडौँ । प्रहरीको सिआइबीको डिएसपी हुँ भन्दै सर्वसाधारणसँग ठगी गर्ने पक्राउ एक व्यक्ति पक्राउ परेके छ । भक्तपुरको सुर्यविनायक नगरपालिका २ बालकोट घर भई हाल मध्यपुर ठिमी नगरपालिका ५ कमेरोटार बस्ने बर्ष ४१ को अनिल थापा पक्राउ परेका हुन् ।

नेपाल प्रहरी प्रधानकार्यालय केन्द्रीय अनुसन्धानब्यूरोका अनुसार थापाले आफू सिआएबीको डिएसपी हुँ, जबरजस्ती करणीको मुद्दा मिलाई दिन्छु भनि आठ लाख ४० हजार रकम ठगी गरेको आरोप छ ।

उनलाई गोप्य सूचनाको आधारमा ब्यूरोबाट खटी गएको बिशेष टोलीले खोजतलास गर्ने क्रममा लुकिछिपी बसेको अवस्थामा मंगलबार कमेरोटारबाट पक्राउ गरी जिल्ला अदालत ललितपुरबाट ७ दिनको म्याद थप गरी अनुसन्धान भईरहेको छ ।

थापालाई “मुलुकी अपराध संहिता, २०७४९संशोधन सहित० परिच्छेद २१ दफा २४९ ‘ठगी गर्न नहुने’ सम्बन्धी कसूरमा अनुसन्धान भइरहेको छ ।

जिल्ला प्रहरी परिसर काठमाडौंले २०७५ सालमा समेत ठगी तथा अपराधिक विश्वासघात कसूरमा थापालाई मुद्दा चलाएको पाईएको खुल्न आएको छ ।