हामी सबैकाे संसारन्यूज

स्याङ्जा । स्याङ्जामा लागू औषध मुद्दाका एक फरार प्रतिवादी पक्राउ परेका छन् । जिल्ला प्रहरी कार्यालय स्याङ्जाका सूचना अधिकारी प्रहरी निरीक्षक प्रवेश तिवारीका अनुसार बिरूवा गाउँपालिका ६ राईडाँडा बस्ने ४० वर्षीय अमर गुरूङ पक्राउ परेका छन् ।

जिल्ला अदालत स्याङ्जाको गत जेष्ट २६ गते फैसलाले उनलाई एक वर्ष एक महिना कैद सजाय र ६ हजार रुपैयाँ जरिवाना तोकेको निरीक्षक तिवारीले बताए ।

गुरूङलाई जिल्ला प्रहरी कार्यालय स्याङ्जाबाट खटिएको विशेष अप्रेसन टोलीले जेष्ठ २६ गते नै पक्राउ गरी कैद भुक्तान साथै जरिवाना असुलको लागि जेष्ठ २७ गते अदालतमा उपस्थित गराईएको छ ।