Sansar News
स्याङ्जा । स्याङ्जाको अर्जुनचौपारी गाउँपालिका स्थित अर्जुनचौपारी माथिल्लोबजारदेखि जिरो सम्मको सडक खण्ड बिहीबारदेखि पूर्णरुपमा बन्द भएको छ ।
अर्जुनचौपारी–सिमलचौर–रापाकोट–तालपोखरी सडक खण्ड अन्तर्गत पर्ने यो सडक कालोपत्रे कार्य सञ्चालन गरिने हुँदा आगामी असार १५ गते सम्मका लागि सवारी साधन आवागमनमा पूर्ण रुपमा रोक लगाइएको प्रशासकीय अधिकृत विनम्रता न्यौपानेले जानकारी दिइन् ।
न्यौपानले यस सडकबाट चल्ने सवारीसाधनहरुले वैकल्पिक मार्ग प्रयोग गर्न समेत आग्रह गरेकी छन् ।
वि.सं.२०८२ जेठ २९ बिहीवार १५:०६ मा प्रकाशित
