हामी सबैकाे संसारन्यूज

स्याङ्जा । स्थानिय स्काउट फेदीखोला गाउँपालिकाको आयोजनामा, सामाजिक विकास युवा तथा खेलकुद मन्त्रालय गण्डकी प्रदेशको सहकार्य तथा प्रदेश स्काउट कार्यालय गण्डकी प्रदेशको व्यवस्थापनमा यही जेठ २८ गतेबाट ६ दिन सम्म संचालन रहेको नेपाल स्काउटको ६०६ औँ स्काउट आधारभूत तालिम (वि.टि.सी) को दीक्षान्त समारोह सम्पन्न भएको छ ।

फेदीखोला गाउँपालिका अध्यक्ष तथा स्थानिय स्काउट संरक्षक घनश्याम सुवेदीले तालिम पश्चात दीक्षित शिक्षकहरुलाई स्काउट मास्टरको प्रमाण पत्र वितरण गरेका थिए । उनले अब तालिमको समापन भएपनि शिक्षकले विद्यार्थी समाजमा देखाउनु पर्ने स्काउट शिक्षाको आजबाट शुरुवात भएको छ स्काउट मास्टर अग्रपंतिमा रहँदै विद्यालय समाज मा आफ्नो भूमिका देखाउनु पर्ने योजना बनाएर अगी बढ्नु पर्ने गाउँपालिका सरकार उहाँहरुको साथमा रहेको बताउँदै शुभकामना व्यक्त गरे ।

कार्यक्रममा नेपाल स्काउट गण्डकी प्रदेश प्रमुख आयुक्त सागर पौडेल, वडा नं १ का अध्यक्ष अमृत क्षेत्री, सामाजिक विकास युवा तथा खेलकुद मन्त्रालय गण्डकी प्रदेश शाखा अधिकृत पुष्पा रायमाझी अर्याल, रिता लम्साल, गण्डकी प्रदेश स्काउट कार्यालय अधिकृत विजय पौडेल को विशेष उपस्थिति,नेपाल स्काउट शैक्षिक पद्धति आयुक्त एलिना वि.क, चण्डीडाँडा विद्यालय व्यवस्थापन समितिका सदस्य, प्र.अ, स्काउट प्रशिक्षक, स्काउट मास्टर, लगायत विद्यालयका शिक्षक, प्रशिक्षित शिक्षक, विद्यार्थीहरु सहभागी थिए ।

तालिम पश्चात फेदीखोला गाउँपालिका बाट १५ शिक्षक, पोखरा महानगर पालिकाबाट २ शिक्षक, शुक्लागण्डकी गा.पा बाट २ शिक्षक, गैंडाकोट नगरपालिका बाट १ शिक्षक, व्यास नगरपालिका बाट १ शिक्षक गरी २१ शिक्षक दिक्षीत भएका थिए ।
फेदीखोला गाउँपालिका स्थानिय प्रमुख आयुक्त शोभाकान्त शर्माको अध्यक्षतामा कार्यक्रम भएको थियो ।