Sansar News
काठमाडौं । सरकारले समयमै काम पूरा नगर्ने चारवटा निर्माण कम्पनीलाई कालो सूचीमा राखेको छ ।
सार्वजनिक खरिद अनुगमन कार्यालयले सूचना जारी गर्दै विभिन्न निकायबाट कालो सूचीमा राख्नको लागि लेखि पठाएअनुसार जिम्मा लिएको काम समयमै पूरा नगर्ने ती निर्माण कम्पनीलाई कालो सूचीमा राखिएको जानकारी दिएको हो ।
ग्रिन लिफ प्रा.लि काठमाडौं, श्री शिवम कन्ट्रक्सन जनकपुर, डि.जी इगल कन्ट्रक्सन एण्ड विल्डर्स प्रा.लि टोखा र थोमस कन्ट्रक्सन एण्ड सप्लायर्सलाई सार्वजनिक खरिद ऐन-२०६३ को दफा ६३ को उपदफा (१) बमोजिम कालो सूचीमा राखिएको सूचनामा उल्लेख छ ।
एक वर्षको लागि कालो सूचीमा राखिएका ती निर्माण कम्पनीले यस अवधिमा अब कुनै पनि खरिद कारबाहीमा भाग लिन पाउने छैनन् ।
वि.सं.२०८२ असार २३ सोमवार ०८:०३ मा प्रकाशित
