Sansar News
काठमाडौं । अमेरिकामा कार दुर्घटना हुँदा दुई नेपाली विद्यार्थीको मृत्यु भएको छ । जुलाई १३ मा कार दुर्घटना हुँदा लुइसियाना टेक युनिभर्सिटीमा अध्ययनरत नेपाली विद्यार्थीहरु राजन यादव र रोजिन ओलीको मृत्यु भएको हो ।
उनीहरुको घटनास्थलमै मृत्यु भएको लुइसियाना प्रहरीले जनाएको छ । कारमा सवार अन्य २ जना भने घाइते भएको र स्थानीय अस्पतालमा उपचार भइरहेको प्रहरीलाई उदृत गर्दै अन्तराष्ट्रिय समाचारहरुले उल्लेख गरेका छन ।
प्रहरीका अनुसार २० वर्षका रोजिनको नेपालको ठेगाना दाङ हो भने २२ वर्षीय राजनको ठेगाना खुलिसकेको छैन ।
वि.सं.२०८२ असार ३१ मंगलवार ०९:५८ मा प्रकाशित
