हामी सबैकाे संसारन्यूज

काठमाडौं । जोमसोम–कोरला सडकअन्तर्गत कागबेनी–कोरला सडक पहिरोले अवरुद्ध भएको छ । गए रातिको वर्षासँगै कोरला राजमार्गको मानेभिरमा सडकमाथिबाट चट्टानसहितको पहिरो खसेपछि कोरला सडक आज बिहानैदेखि अवरुद्ध भएको हो ।

कागबेनीस्थित कागखोलाबाट करिब २०० मिटर उत्तरतर्फ कोरला सडकको मानेभिरमा सडकमाथिबाट चट्टानसहितको पहिरो खसेपछि सडक अवरुद्ध बनेको जिल्ला प्रहरी कार्यालय मुस्ताङका प्रहरीले जनाएको छ ।

मुस्ताङमा कागबेनी–कोरला सडक अवरुद्ध बनेपछि उपल्लो मुस्ताङ आवतजावत गर्ने सवारीसाधन बीच बाटोमै रोकिएका छन् । माथिबाट ठूलाठूला चट्टान खसेकाले सडक खुलाउने प्रयास भइरहेको र केही समय लाग्ने जानकारी दिए । उनले तत्कालका लागि मोटरसाइकल र हलुका सवारीसाधन आवतजावत गर्न मिल्नेगरी पहिरो पन्छ्याउने काम भइरहेको बताए ।