Sansar News
काठमाडौं । दरमखोला हाईड्रो इनर्जी लिमिटेडले सर्वसाधारणको लागि आइपीओ निष्कासन गरेको छ । कम्पनीले पहिलो चरणमा आयोजना प्रभावित र वैदेशिक रोजगारीमा रहेका नेपालीलाई आइपीओ बिक्री गरेसँगै सर्वसाधारणको लागि आइपीओ बिक्री खुल्ला गरेको हो ।
कम्पनीले नेपाल धितोपत्र बोर्डबाट प्रतिकित्ता अंकित मूल्य १०० रुपैयाँका दरले जम्मा ३९ लाख ५० हजार कित्ता आईपीओ निष्कासन गर्न अनुमति पाएको थियो ।
पहिलो चरणमा आयोजना प्रभावितलाई १० लाख ३० हजार ५०० कित्ता र वैदेशिक रोजगारीमा रहेका नेपालीलाई २ लाख ९१ हजार १५० कित्ता आइपीओ निष्कासन गरिसकेको छ ।
अब कम्पनीले बाँकी सेयरमध्ये १ लाख ४५ हजार ९७५ कित्ता आईपीओ सामूहिक लगानी कोषलाई र ५८ हजार ३९० कित्ता आईपीओ कम्पनीमा कार्यरत कर्मचारीलाई सुरक्षित गरी बाँकी बसेको २४ लाख २३ हजार १८५ कित्ता आइपीओ सर्वसाधारणमा निष्कासन गरेको हो ।
वि.सं.२०८२ साउन ८ बिहीवार १३:२१ मा प्रकाशित
