हामी सबैकाे संसारन्यूज

काठमाडौं । नेपाल राष्ट्र बैंकले आज (बुधबार) बजारबाट २५ अर्ब रुपैयाँ उठाउने भएको छ । बजारमा अधिक तरलता भएपछि राष्ट्र बैंकले साउन १४ गते २५ अर्ब रुपैयाँ उठाउने भएको हो ।

४२ दिनका अवधिका लागि राष्ट्र बैंकले उठाउन लागेको ५० अर्ब रुपैयाँको साँवा तथा ब्याज बैंकहरुले भदौ २५ गते फिर्ता पाउनेछन् । क, ख र ग वर्गका बैंक तथा वित्तीय संस्थाहरूले घटीमा १० करोड र बढीमा ५ करोडले भाग गर्दा निः शेष आउने अंक बराबरको निक्षेप राष्ट्र बैंकमा राख्न सक्ने बैंकले जनाएको छ ।

निक्षेप संकलनको बोलकबोल ब्याज दरमा गर्नु पर्ने राष्ट्र बैंकले जनाएको छ । साथै, बहु ब्याज दरमा पनि बोलकबोल गर्न सकिनेछ । राष्ट्र बैंक का अनुसार निक्षेप संकलनको लागि आव्हान गरिएको रकम बाँडफाँट गर्दा बोलबमोजिम सबैभन्दा कम ब्याज दरलाई पहिलो प्राथमिकता क्रममा राखी आव्हान गरेको रकमसम्म क्रमश बाँडफाँट गरिनेछ ।