Sansar News
काठमाडौँ । साताको अन्तिम दिन बिहिबार सेयर कारोबार परिसुचक (नेप्से) दोहोरो अंकले घटेको छ । आज नेप्से ३१.५० अंकले ओरालो लागेर २९२२.६३ विन्दुमा पुगेको हो ।
नेप्से घटेसँगै आज कारोबार रकम पनि घटेको छ । बुधबार १६ अर्ब १८ करोड बराबारको कारोबार रकम भएको थियो भने आज तीन करोड ६८ लाख सेयर किनेबेच हुदा १५ अर्ब ९८ करोड बराबरको कारोबार भएको छ ।
आज वित्त समूह बोहेका अरु सबै समूह घटेको छ । वित्त समूह १.८ प्रतिशते बढेको छ । बैंकिङ्ग समूह १.४४ प्रतिशत, विकास बैंक ०.४७ प्रतिशत, होटल समूह ०.९९ प्रतिशत, जलविद्युत समूह १.१५, लगानी समूह १.३२, जीवन बीमा समूह १.२९ , उत्पादन समूह १.१४, लधुवित्त समूह ०.५०, निर्जीबन बीमा समूह , समूहिक लगनी समूह ०.६०, अन्य समूह ०.३० र व्यापार समूह २.४४ ले घटको छ । आज सबैभन्दा बढी घट्ने समूहमा व्यापार समूह अग्र स्थनामा रहेको छ ।
आज सेयर बजार दोहोरो अंकले घट्दा पनि पाँच ओटा कम्पनिको सेयर मूल्यमा भने सकारात्मक सर्किट लागेको छ । आज ट्रेड टावर इनर्जी ,नोपल फाईनान्स, कर्पोरेट विकास बैंक, ग्रिन विकास बैंक, सप्तकोशी विकास बैंकको सेयर मूल्यमा सकरात्मक लेवलको कारोबार भएको छ ।
कारोबार रकमका आधारमा यस दिन हिमालयन रि इन्स्योरेन्स शीर्ष स्थानमा रहेको छ। सो कम्पनीको यस दिन १ अर्ब ३३ करोड ८८ लाख रुपैयाँबराबरको शेयर कारोबार भएको छ।
वि.सं.२०८२ साउन १५ बिहीवार १५:५० मा प्रकाशित
