Sansar News
स्याङ्जा । स्याङ्जामा कुखुराको मासुसहित, वियर, रक्सी, चुरोट, चाउचाउ लगायतका सामान चोरी गर्ने एक युवा पक्राउ परेका छन् ।
बुधबार राति ती युवाले पुतलीबजार नगरपालिका ६ टक्सार काउले स्थित नर बहादुर गुरूङको किराना पसलबाट रियल गोल्ड वियर १७ वोत्तल, सोफि रक्सी १ कार्टुन, विभिन्न कम्पनीको चुरोट ९ प्याकेट, चाउचाउ २० प्याकेट र ५ के.जी. कुखुराको मासु चोरी गरेको आरोप छ ।
जिल्ला प्रहरी कार्यालय स्याङ्जाका सूचना अधिकारी प्रहरी नायव उपरीक्षक प्रसन्न राज चौधरीका अनुसार पक्राउ पर्नेमा पुतलीबजार नगरपालिका ६ काउले बस्ने २२ वर्षीय तोरण परियार हुन् ।
परियारलाई प्रहरी टोलीले सो चोरीका केही सामानहरू सहित पक्राउ गरी नकवजनी चोरी मुद्दामा बिहीवार स्याङ्जा जिल्ला अदालतबाट दिन ७ (सात) म्याद थप अनुमति लिई थप अनुसन्धान गरिरहेको छ ।
वि.सं.२०८२ साउन १६ शुक्रवार ११:३० मा प्रकाशित
