हामी सबैकाे संसारन्यूज

काठमाडौं । साताको आज चौथ्यो दिन सेयर बजार झिनो अंकले घटेको छ । आज नेप्से १.९४ अंकले घटेर २८३२ विन्दुमा कायम भएको हो ।

आज २ करोड १७ लाख सेयर किनबेच हुँदा ७ अर्ब ६४ करोड बराबरको काराबार भएको छ भने मंगलबारको तुलनामा आजको कारोबार रकममा पनि कमी आएको छ । हिजो ९ अर्ब ३३ करोडको कारोबार भएको थियो । आज ११२ कम्पनीको मूल्य बढ्दा १३८ को घटेको छ ।

लघुवित्त समूह १.४१ प्रतिशत त्यस्तै लगानी समूह०.४९, अन्य समूह ०.४४ प्रतिशतले बढेका छन् । बैंकिङ समूह०.४७, विकास बैंक समूह ०.६१, फाइनान्स समूह ०.४१, होटल समूह ०.०५, जलविद्युत समूह०.१५, जीवन बीमा समूह ०.४५, उत्पादन तथा प्रशोधन समूह०.१०, निर्जीवन बीमा समूह०.३६ तथा व्यापार समूह०.६६ प्रतिशत घटेका छन् ।

बजार घटेपनि आज तीन वटा कम्पनीको सेयर मूल्यमा भने सकरात्म सर्कि लागेको छ । १० प्रतिशत बढेका कम्पनीमा विन नेपाल लघुवित्त, माहुली लघुवित्त तथा ट्रेड टावर छन् । गुमाउनेमा भने थ्रीस्टार हाइड्रोपावरको ३.७८, समता घरेलु लघुवित्तको २.७२ प्रतिशत मूल्य घटेको छ ।

आज धेरै कारोबार भएका कम्पनीमा ङादी ग्रुप अग्र स्थानमा रहेको छ ।