हामी सबैकाे संसारन्यूज

कृष्णकुमार वैद्य,बनेपा -९,काभ्रे

१.
गुनको बदला गुन
मुखले भनेको जस्तो
सकिन्न रहेछ हुन ।

२.
कुरो खेल्छ मनभित्र
विनानियमको यो खेल
कस्तो रहेछ विचित्र ।

३.
भतभती पोल्छ मन
कसरी निभाउने होला
हृदयभित्रको यो जलन ?

४.
सुगन्ध रोज्नू फूलको
फूलजस्तो साथी चाहिएमा
मानिस रोज्नू कुलको ।

५.
कसरी भनूँ गुनिलो ?
आफ्नै नेत्रको अश्रु
हुन्छ, सदा नुनिलो ।

६.
धैर्यता राखी जिउनु
प्यास लाग्यो भनेर
हुँदैन जहर पिउनु ।

७.
जुनी यो एकबारको
बोक्राको भन्दा पनि
महत्त्व हुन्छ सारको ।

८.
भयो पुसको आधा
बादलले नछेके घाम
हुँदैन पटक्कै बाधा ।

९.
छैन सहयोगी हात
कसरी काट्ने होला
यस्तो पालमुनी रात ?

१०.
दुधको साक्षी बिरालो
यस्तो दुस्साहस गरेमा
आफैँ लाग्छ भिरालो ।