हामी सबैकाे संसारन्यूज

काठमाडौँ । सातको चौथो दिन अर्थात बुधबार शेयर बजार दोहोरो अंकले बढेको छ । आज नेप्से परिसूचक ५६.६९ अंकले बढेर २८२२ को बिन्दुमा कायम भएको छ ।

आज कारोबार रकम पनि बढेको छ । अघिल्लो कारोबार दिन अर्थात मंगलबार ४ अर्ब १८ करोडको शेयर खरिदबिक्री भएको थियो भने आज १ करोड ४९ लाख ८६ हजार कित्ता शेयर किनबेच हुदा मा ७ अर्ब ६८ करोड बराबरको कारोबार भऐका हो ।
नेप्सेका १३ वटै उपसमूहको परिसूचक बढेको छ । विकास बैंक उपसमूहको परिसूचक सबैभन्दा धेरै ३.४० प्रतिशत बढेको छ । लगानी समूह २.१९, जीवन बीमा समूह २.२१, उत्पादन तथा प्रशोधन समूह २.६९, अन्य समूह २.१४ र व्यापार २.६८, बैंकिङ्ग समूह १.३८, वित्त समूह १.९८, होटल तथा पर्यटन १.६६, जलविद्युत समूह १.८५, लघुवित्त समूह १.०९ र निर्जीवन बीमा समूह १ं६८ र समुहिक लगानी समूह ०.४७ प्रतिशतले बडेको छ ।

शेयर बजारमा हरियाली छाएसँगै कुल २३२ वटा कम्पनीहरुको शेयरमूल्य बृद्धि भएको छ भने १९ ववटा कम्पनीको मूल्य घटेको छ ।

आज पनि विकास हाइड्रोपावरको शेयरमूल्यमा सकारात्मक सर्किट लागेको छ । स समता घरेलु लघुवित्तको ९.३६ प्रतिशत, ग्रीन भेन्चर्सको ८.०८ प्रतिशत बढेको छ भने केबिएल डिबेञ्चर २०८६ को मूल्य सबैभन्दा बढी ५.७९ प्रतिशत घटेको छ ।

कारोबार रकमका आधारमा यस दिन हिमालयन रि इन्स्योरेन्स शीर्ष स्थानमा रहेको छ ।