हामी सबैकाे संसारन्यूज

काठमाडौँ । प्रतिनिधि सभाको शुक्रबार बसेको बैठकमा राप्रपाका सांसद ज्ञानेन्द्र साहीले सरकारलाई पोलियो रोग लागेको लुलो सरकार भनेका छन् । उनले उखु किसानको पैसा फिर्ता गर्न नसकेको भन्दै राजीनामा दिए आफूहरुले सरकार चलाउने बताए ।

‘उखु किसानहरु माइतिघर मण्डलामा आन्दोलनरत छन् । सत्ता पक्षकै सांसदहरुको फोटो सेसन चलिरहेको छ । माइतिघरमा गएर फोटो सेसन गर्नु पर्दैन । यही आउँ नीति बनाऔँँ नियम बनाऔँ । सबै एक जुट बनौँ । किसानको रकम उपलब्ध गराऔँ’, सांसद साहीले भने, ‘उखु किसानले पैसा माग्दा दुइ तिहाईको सरकारले जवापफ दिएछ । किसानको अननुदान आधा घटाएछ । कसरी घट्यो भन्दा अर्थ मन्त्रालयले भनेछ र ढुकुटिमा पैसा छैन ।’

उनले जवाफ मागेका छन्, ‘ढुकुटीमा पैसा नभए जनताले रगत र पसिनाको एक एक गरेर तिरेको करको पैसा कहाँ गयो ? विदेश पसेका नेपालीले पठाएको रेमिटको पैसा कहाँ गयो ?’

‘यदि दुई तिहाईको शक्तिशाली सरकारले उखु किसानले पैसा दिन सक्दैन भने यो सरकार दुइ तिहाइको रहेछन छ नि त । यो त कम्जोर खुट्टा भएको, लुलो खुट्टा भएको र पोलियो रोग लागेको सरकार रहेछ । किन भने यो सरकारको हैसियत थाहा भइसक्यो ।’