Sansar News
दिपक पनेरु, ईश्वरपुर ४, सर्लाही,सागरनाथ
उजाड मन विरही रीत म लेख्ने गर्दछु
झारेर आँसु आँखाको शीत म लेख्ने गर्दछु
कसरी किन नजरदेखि टाढा छौ पियारी
यादमा तिम्रो चारु र गीत म लेख्ने गर्दछु ।
बोलाउँ भने साइनो छैन के भनि बोलाउँ
मायाको नाता मनको मीत म लेख्ने गर्दछु ।
आँधी र हुरी आएता पनिप्रेमिल यात्रा छ
मान्दिन हार सधैँ नै जीत म लेख्ने गर्दछु ।
गए नि जता झझल्को तिम्रै आउँछ जहिल्यै
पाउँछु तिमी भनेर प्रीत म लेख्ने गर्दछु ।
लय : झ्याउरे
आदि अनुप्रास : ईत
शेष अनुप्रास : लेख्ने गर्दछु
वि.सं.२०८२ भदौ २१ शनिवार ०८:५१ मा प्रकाशित
