हामी सबैकाे संसारन्यूज

काठमाडौं । राष्ट्रिय स्वतन्त्र पार्टी (रास्वपा)की नेता पूर्वशिक्षामन्त्री सुमना श्रेष्ठले पार्टी छोडेकी छन् । रास्वपा छोडेपछि उनले खुल्लारुपमा आक्रमण गर्नेलाई सजिलो बनाइदिएको भन्दै पार्टी भित्रकालाई मनलाग्दी चलुन्जेल मनलाग्दी गर्नुहोला भनिन् ।

पार्टी केन्द्रीय समितिलाई जानकारी गराउँदै उनले पार्टी नेतृत्वले गल्तीमाथि गल्ती गर्दापनि कहिल्यै गल्ती स्वीकार नगर्ने गरेको उनले बताइन् । सुमनाले आफूलाई यो स्वीकार्य नभएकोले पार्टी छोडेको जानकारी गराएकी छन् ।
पार्टीभित्र आलोचना गर्नेविरुद्ध मिडिया ट्रायल गरेर दुःख दिने र सबैभन्दा माथि नेतालाई राख्ने गरिएको उनको भनाइ छ ।