हामी सबैकाे संसारन्यूज

काठमाडौँ । पशुपति क्षेत्रस्थित गौरीघाटदेखि गुह्येश्वरी मन्दिर जाने पुल करिब एक वर्षपछि निर्माण सम्पन्न भएको छ । आधुनिक निर्माण सामग्री प्रयोग गर्न खोज्दा पुरातत्व विभागले रोकेपछि अलपत्र परेको पुल सम्बन्धी समाचार राससमा प्रकाशित भएपछि पुल निर्माण पुरानै स्वरुपमा पूरा भएको हो ।

राष्ट्रिय समाचार समिति (रासस) ले गत साउन दोस्रो साता पुल नबन्दा पशुपति क्षेत्रमा आएका भक्तजनलाई समस्या परेको तस्बिरसहित समाचार प्रकाशित गरेको थियो । त्यसपछि काठमाडौँ महानगरपालिका पुललाई पुरानै स्वरुपमा बनाउन सहमत भएको थियो ।

काठमाडौं महानगरपालिकाले ठेक्का गरेर पुनःनिर्माणका लागि भत्काएको सात महिना बितिसक्दा पनि पुलको काम अघि नबढेपछि आवतजावतमा समस्या भएको थियो । विश्व सम्पदा क्षेत्रमा निर्माण गर्दा अपनाउनुपर्ने मापदण्ड विपरीत पुल पुनःनिर्माण सुरु गरेपछि पुरातत्व विभागले पुरानै स्वरुपमा बनाउनुपर्ने भन्दै रोकेको थियो ।

विभागका प्रवक्ता रामबहादुर कुँवरले निर्माण व्यवसायीले आधुनिक सामग्री प्रयोग गर्न खोजेपछि विभागले रोकेको र पछि प्राचीन सामग्रीकै प्रयोगमा सहमति भएपछि अनुमति दिएको जानकारी दिए ।

काठमाडौँ महानगरपालिका–८ का अध्यक्ष एवं सम्पदा तथा पर्यटन समितिका संयोजक आशामान सँगतले विभागको निर्देशनअनुसारकै सामग्री प्रयोग गरेर पुल निर्माण गरिएको बताए ।

पुल नबन्दा विशेषगरी पशुपति क्षेत्र आउने भक्तजनलाई समस्या भएको थियो । पहिले पुलबाट मोटरसाइकल, ट्याक्सीलगायत साना सवारी गुड्ने गर्थे तर करिब एक वर्षसम्म यातायात बन्द हुँदा भक्तजनलाई घुमेरै गुह्येश्वरी पुग्नुपर्ने बाध्यता थियो । पैदल यात्रुहरू समेत असुविधामा परेका थिए ।

गुह्येश्वरीमा धार्मिक अभियान चलाउँदै आएका धर्मराज बरालले पुल नहुँदा पर्यटकलाई समेत समस्या भएको बताए । पुरानो पुल भत्काउँदा निकालिएका इँटा संरक्षण नभएकाले चोरी भएको स्थानीयहरूको भनाइ छ ।

सुरुमा श्री ५ त्रिभुवन र श्री ३ चन्द्रशम्शेरको नाम लेखिएका इँटा भेटिएका तर पछि हराएको गौरी आध्यात्मिक मासिक पत्रिकाका सम्पादकसमेत रहेका स्थानीय अर्जुन लामिछानेले जानकारी दिए । ऐतिहासिक महत्वका ती इँटा कहाँ हराए भन्नेबारे सरोकार निकायले जवाफ दिनुपर्ने माग उनले राखेका छन् ।

👉 यो समाचारलाई म चाहनुहुन्छ भने संक्षिप्त समाचार बुलेटिन (रेडियो/टीभी पढ्ने शैली) मा पनि तयार पारिदिउँ?