Sansar News
काठमाडौं । पूर्वसभामुख तथा माओवादी नेता कृष्णबहादुर महरामाथि सुन तस्करी प्रकरणमा थुनछेक बहस आज काठमाडौं जिल्ला अदालतमा हुँदैछ। अदालतले बहसपछि उनलाई धरौटीमा छाड्ने कि थुनामै राख्ने भन्ने आदेश सुनाउने छ।
तीन वर्षअघिको प्रकरणमा महरालाई सीआईबीले आइतबार पक्राउ गरेको थियो। असोज २७ गते जिल्ला सरकारी वकिलको कार्यालयले उनीविरुद्ध मुद्दा दर्ता गरेको थियो।
उनविरुद्ध ८ करोड ५५ लाख २८ हजार ३७४ रूपैयाँ बिगो र ३ वर्षभन्दा बढी कैद सजाय माग गरिएको छ। अभियोजनको दाबी अनुसार महराले विद्युतीय चुरोट (भेप) मार्फत ल्याइएको सुन विमानस्थल भन्सारबाट छुटाउन दबाब दिएको आरोप छ।
यो बहसको नतिजाले महराको कानुनी अवस्था र आगामी कदम निर्धारण गर्ने छ।
वि.सं.२०८२ असोज २८ मंगलवार १०:४१ मा प्रकाशित
