हामी सबैकाे संसारन्यूज

काठमाडौं । नेकपा (माओवादी केन्द्र) का संयोजक पुष्पकमल दाहाल ‘प्रचण्ड’ की छोरी गंगा दाहालले पार्टी सचिवालयको जिम्मेवारी छोडेकी छन् ।

गंगाले सोमबार सामाजिक सञ्जाल फेसबुकमार्फत एक स्टाटस लेख्दै आफू सचिवालयको जिम्मेवारीबाट अलग भएको जानकारी गराएकी हुन् । उनले निरन्तर आफूलाई देखाएर अध्यक्ष प्रचण्ड र माओवादी केन्द्रमाथि योजनाबद्ध रूपमा प्रहार भइरहेको उल्लेख गर्दै यस्तो अवस्थामा राजीनामा दिने निष्कर्षमा पुगेको बताएकी छन् ।

गंगाको भनाइअनुसार, यस्तो वातावरणमा सचिवालयमा रहिरहनुभन्दा अलग भएर पार्टी, बुवा र आन्दोलनका पक्षमा रहनु उचित हुने ठानेकी हुन् । उनले पार्टीप्रति निरन्तर प्रतिबद्धता व्यक्त गर्दै माओवादी केन्द्रकी कार्यकर्ताको रूपमा आजीवन क्रियाशील रहने बताएकी छन् ।

सचिवालयमा कार्यरत रहँदा नेता, कार्यकर्ता र नागरिकबाट प्राप्त साथ र सहयोगका लागि गंगाले सबैप्रति आभार प्रकट गरेकी छन् ।