Sansar News
पशपती राई, हलेशी तुवाचुङ – ५, खोटाङ
मेरो गोरूको बाह्रै टक्का किन गर्छ मान्छे?
यो सत्य जगतमा भ्रम किन छर्छ मान्छे ?
सूर्यले यति उज्यालो प्रकाश दिएको छ
तैपनि अँध्यारोतिरै पो किन सर्छ मान्छे?
चलाएमान छ सृष्टि अचल के छ भन
बाचुन्जेल एकै ठाउँमा किन पर्छ मान्छे ?
जवान हुँदा कहिल्यै यौटा डुङ्गा ताछेन
मर्ने बेला मात्रै वैतर्नी किन तर्छ मान्छे?
पद पैसा यौन भनेपछि हुरुक्क हुने
सिक्का पाटो नपल्टाएरै किन मर्छ मान्छे ?
अक्षर संख्या : १५
आदि अनुप्रास : अर्छ
शेष अनुप्रास :मान्छे
वि.सं.२०८२ कात्तिक २९ शनिवार ०५:५९ मा प्रकाशित
