Sansar News
उत्तम विचार,टोखा, काठमाडौँ
निभेका कथा छन् बलेका कथा छन्
कयौँ उठ्न खोज्दा ढलेका कथा छन्
कथाभित्र थुप्रै व्यथा छन् लुकेका
व्यथा खप्न खोज्दा गलेका कथा छन्
थियो शान्त बस्ती उडाएर लाने
यहाँ तीव्र आँधी चलेका कथा छन्
सँगै बाँच्छु भन्छन् सँगै मर्छु भन्छन्
तिनै प्रेमिकाले छलेका कथा छन्
थियो फल्नुपर्ने लगाएर आलु
यहाँ गोलभेँडा फलेका कथा छन्
बहर : मुतकारिब मुसम्मन सालिम
बहर : मुतकारिब मुसम्मन सालिम
अर्कान : फऊलुन फऊलुन फऊलुन फऊलुन
वजन : १२२ – १२२ – १२२ – १२२
काफिया : अलेका
रदिफ : कथा छन्
वि.सं.२०८२ कात्तिक २९ शनिवार ०५:५५ मा प्रकाशित
