हामी सबैकाे संसारन्यूज

काठमाडौँ । विभिन्न मागसहित प्रधानमन्त्री सुशीला कार्कीलाई ज्ञापनपत्र बुझाउन सिंहदरबारतर्फ जाँदै गरेका जेनजी समूहका सदस्यहरूलाई प्रहरीले प्रवेशद्वारमै रोकेको छ।

मिराज ढुंगानाको नेतृत्वमा सिंहदरबार प्रवेश गर्न आएका समूहलाई प्रहरीले सुरक्षाको कारण देखाउँदै रोक लगाएको हो। प्रहरी रोक अवज्ञा गर्दै अघि बढ्न खोजेपछि समूह र सुरक्षाकर्मीबीच सामान्य धक्का–मुक्कीसमेत भएको बताइएको छ।

स्थितिलाई नियन्त्रणमा लिन प्रहरीले समूहका सदस्यहरूलाई बिस्तारै धकेल्दै अनामनगरतर्फ पुल पार गराएको थियो। घटनाको क्रममा कुनै ठूलो झडप नभए पनि प्रदर्शनकारी र सुरक्षाकर्मीबीच तनाब देखिएको थियो।