हामी सबैकाे संसारन्यूज

काठमाडौँ । 4K Space टेलिभिजन तथा EVENTOZ.COM युट्युब च्यानलमार्फत प्रसारण भइरहेको लोकप्रिय रियालिटी शो “लोक दोहोरी स्टार”मा सहभागी गायक सुमन विश्वकर्मा विभिन्न चरणहरू सफलतापूर्वक पार गर्दै भोटिङ राउन्डसम्म पुग्न सफल भएका छन् ।

लोकदोहोरी क्षेत्रमा आफ्नो छुट्टै पहिचान बनाउन प्रयासरत सुमनले प्रारम्भिक अडिसनदेखि प्रतिस्पर्धाका कठिन चरणहरू पार गर्दै निर्णायक मण्डल तथा दर्शकहरूको मन जित्न सफल भएका हुन् । उनको निरन्तर मेहनत, प्रस्तुति र लगनशीलताले उनलाई यस चरणसम्म पु¥याएको बताइन्छ ।

कार्यक्रम अहिले निर्णायक मोडमा पुगेको छ, जहाँ सहभागीहरूको भविष्य दर्शकको भोटमा निर्भर रहेको छ । यसै सन्दर्भमा उनले आफूलाई माया, साथ र सहयोग गर्दै आएका सम्पूर्ण दर्शकप्रति धन्यवाद व्यक्त गर्दै आगामी राउन्डसम्म पुग्नका लागि भोट गरेर सहयोग गर्न आग्रह गरेका छन् ।

दर्शक तथा शुभेच्छुकहरूले तल उपलब्ध गराइएको QR Code scan गरी भोट गर्न सक्ने व्यवस्था गरिएको छ । साथै eSewa, Ncell, Moru, NIC Asia, Nabil Bank लगायत सबै बैंकका मोबाइल बैंकिङ एपमार्फत पनि सजिलै भोट गर्न सकिने आयोजकले जनाएको छ ।

भोटिङ प्रणालीअनुसार रु. १० बराबर १ भोट गणना गरिनेछ । दर्शकहरूले चाहेको संख्यामा भोट गरेर आफ्नो मनपर्ने प्रतियोगीलाई समर्थन गर्न सक्नेछन् ।

सुमनले यस अवसरमा भने, “यहाँसम्म आइपुग्नु मेरो एक्लो प्रयासले मात्र सम्भव भएको होइन । मलाई माया, साथ र हौसला दिनुहुने सम्पूर्ण दर्शक, शुभेच्छुक र समर्थकहरूप्रति म सधैं ऋणी छु । अबको यात्रामा पनि तपाईंहरूको साथ पाएँ भने अझ राम्रो प्रस्तुति दिन सक्नेछ ु।”

कार्यक्रम “लोक दोहोरी स्टार” ले नयाँ प्रतिभाको खोजी र लोकदोहोरी संगीतको संरक्षण तथा प्रवद्र्धनमा महत्वपूर्ण भूमिका खेल्दै आएको छ । अहिले भोटिङ चरण चलिरहेको हुँदा दर्शकको सक्रिय सहभागिताले प्रतिस्पर्धालाई अझ रोचक बनाएको छ ।

उनले अन्त्यमा सबै दर्शकलाई भोटमार्फत साथ दिन अनुरोध गर्दै, आगामी दिनहरूमा अझ उत्कृष्ट प्रस्तुति प्रस्तुत गर्ने प्रतिबद्धता व्यक्त गरेका छन् ।